4.
| 1 | Circumfusi milites, armorum crepitus, quibus vallata est Ecclesia, fidem non terrent meam: sed mentem exagitant, ne dum me tenetis, perniciosum aliquid vestrae oboriatur saluti. |
| 2 | Ego enim iam didici non timere: sed vobis timere plus coepi. |
| 3 | Sinite, quaeso, vestrum sacerdotem congredi: habemus adversarium qui lacessit; adversarius enim noster diabolus, sicut leo rugiens circuit, quaerens quem devoret, ut apostolus dixit (I Pet. V, 8). |
| 4 | Accepit sine dubio, accepit (non fallimur, sed admonemur) tentandi huiusmodi potestatem; ne forte corporis mei vulneribus possim a fidei intentione revocari. |
| 5 | Legistis et vos quia multis his tentavit sanctum Iob diabolus: ad postremum potestatem huiusmodi petiit, et accepit, ut tentaret corpus eius, quod perfudit ulceribus. |